قصيدة خايف أنحبك

خايف انحبك ويفرقنا الزمان
نخسر حبي ونخسر الي كان
ونبقي جريح ننزف وتعبـــان
ولامن يداوي ويملاه المكان
ويزيد همي فوق ماهو كــان
ونحاول ننسي مانقدر علي النسيان
خايف انحبك ويفرقنا الزمان
خايف انحبك ويملانا الحنان
.ونحطك فقلبي وانحطك في اعلى مكان
ومن الحب والحنيه يحسدنا الحنان
. ونشوفك فعيني حب ما ينهان
ويجينا وقت ينقلب ماكان
يجيك نصيبك ويخدوك لفلان
شن حال قلبي بعد ما خدو الانسان
حبه وصانه وعطاه الحنان
وحكي وياه كل ماضي وكان
ونضرة عينه اتحسسني بأمان
ونبدا انشوفك فايق ونعسان
وما يحملش قلبي زياده احزان
خايف انحبك ويفرقنا الزمان
خايف انحبك كل شهر ويوم
ونبقى فحبك غارق ومغروم
وتبقي شمس ماعليها غيوم
وتبقى الملامه بيناتنا ماتحوم
وتبقي منايا ونبقى عليك مقسوم
ويبقى غلانا بين الخلق معلوم
ويجيك كلام من الناس ماله لزوم
وتصدقيهم وتديري عليا الوم
ونبقى انخمم سارح ومضلوم
....
وطريق المحبه تنقلب لهموم
ويضيع الغلا الي كان روحي دوم
ويفرقنا كلام في الحق ماله دعوم
ومايوجعني غير حط الوم
الي يوجعني الي انكسر في يوم
وملي جاك في الحق..اني مضلوم
ومن إلي بينا انحطو عليه اللوم
وتبقي شمس غارقه في غيوم
ونفسي لغيرك ماتريد اتروم
وياخدني العداب ويزيده شقا وهموم
ومايحملش قلبي زياده أهموم
ويزيد كرهك ليا كل يوم ويوم
وبعد المحبه نصبحوا عدوان
خــايف احبك ويفرقنا الزمان

اتمنى اعجابكم

تحياتي

بصراحه عجبني هلبا هلبا رائع و اكثر من رائع
شكرا علي القصيده

سلام

:king: :king: :king:

والله أعجبتني لان هذا الي صاااارلي

شكراااا لك

الله يعطيك العافيه

القصيده جميله جدآ والكلمات في غاية الروعه

يسلمووو

كل الود

كلمات جميله
بس الحب مايبي خوف
يب جرأه
شكرا

صح الحب مايبي خوف
عند اول حب
لكن عندما تنصدمي بحبيبك الاول
تخافي تحبي مرة ثانية تنصدمي فيه
فلهدا تخافي تحبي صح ولا كلامي غلط

اشكرك علي مرورك والمساهمة الحلوا
بارك الله فيك قصيدة خايف أنحبك Icon_cheers

تحياتي

» قصة رعب ؟؟ لو خايف لا تدخل
» قصيدة لا عاد ينفع
» قصيدة حزينة
» قصيدة يالي عزيز علي....
» قصيدة اما زلت حبيبتي تفكرين ؟